დღეს დილით, თურქეთის ქალაქ გაზიანთეფში, მაშველებმა შენობის ნანგრევებიდან 40 წლის ქალი ცოცხალი გამოიყვანეს. სიბელ კაია ნანგრევებში 175 საათის განმავლობაში იმყოფებოდა.

CNN-ის ინფორმაციით, თურქეთის სამხრეთით, კაჰრამანმარასის პროვინციაში, მაშველებმა ასევე კიდევ სამი ადამიანი გადაარჩინეს - სავარაუდოდ - დედა, მისი ქალიშვილი და ბავშვი. ასევე სახელმწიფო მედიის მიერ გავრცელდა ინფორმაცია, რომ 12 თებერვალს გაზიანთეფში მაშველებმა 13 წლის მოზარდი გადაარჩინეს.

"შენ სასწაული ხარ", - ასე შეაფასეს მაშველებმა მოზარდის გადარჩენა.

მიწისძვრიდან ერთი კვირის შემდეგ გადარჩენილების პოვნის შანსი მცირდება.

სირიასა და თურქეთში მომხდარი მიწისძვრის შედეგად დაღუპულთა რიცხვი 33 000-მდე გაიზარდა და, სავარაუდოდ, კიდევ მოიმატებს.