თურქეთში, ცოტა ხნის წინ, თბილისის დროით 14:24 საათზე, მეორე ძლიერი მიწისძვრა მოხდა. სიმძლავრემ 7,5 მაგნიტუდა შეადგინა, რის შედეგადაც ქალაქ დიარბაქირში საცხოვრებელი კორპუსი ჩამოინგრა.

ბიძგები ანკარაშიც იგრძნობოდა. მიწისძვრა განმეორდა სირიაშიც. ბიძგები დამასკოში, ლატაკიასა და სირიის სხვა რაიონებში დაფიქსირდა.

როგორც ცნობილია, დღეს დილით, 7,8 მაგნიტუდის სიმძლავრის პირველი მიწისძვრა თურქეთსა და სირიაში მოხდა. დაიღუპა ათასზე მეტი ადამიანი - როგორც თურქეთში, ასევე მეზობელ სირიაში.