თურქეთში 6 თებერვალს მომხდარი მიწისძვრის შემდეგ 6 210-ზე მეტი მიწისქვეშა ბიძგი დაფიქსირდა, - ინფორმაცია თურქული მედია ქვეყნის საგანგებო სიტუაციების მართვის სააგენტოზე დაყრდნობით ავრცელებს.

„მიწისძვრას 6 210-ზე მეტი ბიძგი მოჰყვა“, - აცხადებენ უწყებაში.

მათივე ცნობით, სტიქიის ზონაში 216 166 კარავი დაიდგა, რომელთა მიწოდება თურქეთის შესაბამისმა უწყებებმა, ასევე უცხო ქვეყნებმა და საერთაშორისო ორგანიზაციებმა უზრუნველყვეს.

შეგახსენებთ, თურქეთში სამაშველო ჯგუფებმა სამუშაოები ორი ყველაზე დაზარალებული პროვინციის, ქაჰრამანმარაშისა და ჰათაის გარდა ყველგან შეწყვიტეს.

ბოლო მონაცემებით, ქვეყანაში დამანგრეველ მიწისძვრას 41 000-ზე მეტი ადამიანი ემსხვერპლა.