თურქეთში, ბალიქესირის პროვინციაში მომხდარ 6.1 მაგნიტუდის მიწისძვრას ერთი ადამიანი ემსხვერპლა, დაშავებულია 29 მოქალაქე.

ქვეყნის შინაგან საქმეთა მინისტრის განცხადებით, მიწისძვრის შედეგად 16 შენობა ჩამოინგრა.

მომხდარს გამოეხმაურა თურქეთის პრეზიდენტი რეჯეფ თაიფ ერდოღანი.

ერდოღანმა დაშავებულებს სწრაფი გამოჯანმრთელება უსურვა და თქვა, რომ აღდგენითი სამუშაოები გაკონტროლდება.

„ღმერთმა დაიფაროს ჩვენი ქვეყანა ნებისმიერი სახის კატასტროფისგან“, – დაწერა თურქეთის პრეზიდენტმა X-ზე.

შინაგან საქმეთა სამინისტროს ინფორმაციით, სამძებრო-სამაშველო ოპერაციები დასრულებულია, მასშტაბური ნგრევა არ ფიქსირდება.

თურქეთში 6.1 მაგნიტუდის მიწისძვრა 10 აგვისტოს მოხდა.