11/08/2023
09:05
მსოფლიო
წუხელ აღმოსავლეთ თურქეთში 5,6 მაგნიტუდის მიწისძვრა მოხდა. ამის შესახებ ევროპულ-ხმელთაშუა ზღვის სეისმოლოგიური ცენტრი იტყობინება.
მისი თქმით, ეპიცენტრი მდებარეობდა ქალაქ მალათიიდან სამხრეთ-დასავლეთით თერთმეტ კილომეტრში, რომლის მოსახლეობა დაახლოებით 440 ათასი ადამიანია.
თურქეთის შინაგან საქმეთა მინისტრმა, ალი იერლიკაიამ აღნიშნა, რომ ყველა შესაბამისი ინსტიტუტი, მათ შორის კატასტროფებისა და საგანგებო სიტუაციების მართვის სამსახური მობილიზებულია მიწისძვრის შედეგად რაიმე ზიანის ან პრობლემის გამოსავლენად.
მიწისძვრის შედეგად დაღუპულთა შესახებ ინფორმაცია არ გავრცელებულა, თუმცა აღნიშნავენ, რომ პანიკის გამო საცხოვრებელი სახლების აივნებიდან გადახტომის შედეგად 22 ადამიანი დაშავდა.
მიწისძვრა იგრძნობოდა ახლომდებარე პროვინციებშიც.
მალათიის გუბერნატორმა მედიასთან საუბრისას აღნიშნა, რომ მიტოვებული შენობა ერთ-ერთ რაიონში, რომელიც უკვე დაზიანდა 6 თებერვალს მომხდარი მიწისძვრის დროს, ამ მიწისძვრის შემდეგ დაინგრა.
მედიის ცნობით, რეგიონში იმყოფება ეროვნული სამედიცინო სამაშველო ჯგუფიც რაიმე პრობლემის გამოსავლენად, თუმცა ამ დრომდე არანაირი პრობლემა არ დაფიქსირებულა.
0
0