თურქეთსა და სირიაში მომხდარი დამანგრეველი მიწისძვრების შედეგად დაღუპული ადამიანების რაოდენობამ 33 000-ს გადააჭარბა. ამის შესახებ aljazeera იტყობინება. 

ამასთან, გაერთიანებული ერების ორგანიზაციის ცნობით, მიწისძვრის გამო სირიაში 5,3 მილიონამდე ადამიანი შესაძლოა უსახლკაროდ დარჩეს. 

სირიაში ამბოხებულების მიერ კონტროლირებად ტერიტორიაზე დახმარება შეჩერებულია. 

ამერიკის შეერთებულმა შტატებმა მოუწოდა გაეროს უშიშროების საბჭოს, დაუშვას აჯანყებულთა მიერ კონტროლირებად ტერიტორიებზე მომარაგების მიწოდება. 

შეგახსენებთ, 6 თებერვალს, გამთენიისას, თურქეთში ძლიერი მიწისძვრა მოხდა. 7,8 მაგნიტუდის ბიძგებს მსხვერპლი და ნგრევა მოჰყვა თურქეთსა და სირიაში.