15/04/2024
16:39
მსოფლიო
მეტეოროლოგების აზრით, თურქეთს მალე სერიოზული დათბობა დაემუქრება. ამის შესახებ თურქული მედიასაშუალებები წერენ.
სინოპტიკოსები ხაზს უსვამენ, რომ თურქეთი აფრიკული ციკლონისა და უდაბნოს ტემპერატურის გავლენის ქვეშ იქნება.
ამინდი სეზონურ ნორმას უკვე 4-6 გრადუსით აჭარბებს. შაბათ-კვირის შემდეგ, ტემპერატურის ცვლილებები კიდევ უფრო შესამჩნევი იქნება, განსაკუთრებით ხმელთაშუა ზღვის, ეგეოსის და მარმარილოს ზღვის რეგიონებში.
გავრცელებული ინფორმაციით, იზმირსა და ანტალიაში ტემპერატურა 28-30 გრადუსს მიაღწევს, ხოლო სტამბოლში, ანკარასა და ბურსაში 25-დან 27 გრადუს ცელსიუსამდე იქნება.
დასავლეთ და აღმოსავლეთ შავი ზღვის რეგიონში, ასევე ცენტრალურ ანატოლიაში, სამშაბათიდან დათბობაა მოსალოდნელი, ტემპერატურა კი აპრილის ნორმალურ მაჩვენებელს 2-4 გრადუსით გადააჭარბებს.
0
0