თურქეთმა შავ ზღვაში რუსული სამხედრო გემები არ გაატარა. ინფორმაციას BBC ავრცელებს. 

როგორც გამოცემა იუწყება, საუბარია რუსეთის წყნარი ოკეანის ფლოტის გემებზე, რომლებიც თებერვლის დასაწყისიდან ითხოვდნენ ნებართვას, რათა ბოსფორის სრუტე გაევლოთ. მედიის ცნობით, ანკარამ მათ ამის უფლება არ მისცა.

რუსული სარაკეტო კრეისერი „ვარიაგი“ და დიდი ნავსაწინააღმდეგო გემი „ადმირალი ტრიბუცი“ 6 ნოემბერს სინგაპურის სრუტეში შენიშნეს, საიდანაც ვლადივოსტოკისკენ მიემართებოდნენ.

შავი ზღვის სტრატეგიული ინსტიტუტის მონიტორინგის ჯგუფის ხელმძღვანელის ანდრეი კლიმენკოს ინფორმაციით კი, რუსეთის წყნარი ოკეანის ფლოტის გემები შავ ზღვაში შესვლას ცხრა თვე ელოდებოდნენ. ამის შესახებ მან .„ტვიტერში“ დაწერა.