გამოცემის ინფორმაციით, ახლა თურქეთის საერთაშორისო სახელწოდება Turkey-ს ნაცვლად Türkiye იქნება. შესაბამისი განცხადების გამოქვეყნების შემდეგ, გაეროს ყველა საერთაშორისო ფორუმსა და ოფიციალურ დოკუმენტში Türkiye იქნება გამოყენებული.

ქვეყნის სახელწოდების შეცვლის მოთხოვნით გაეროს გენერალურ მდივანს თურქეთის საგარეო საქმეთა მინისტრმა, მევლუთ ჩავუშოღლუმ მიმართა. მისი განმარტებით, ამ გადაწყვეტილებამ ქვეყნის ბრენდის პრესტიჟის ამაღლებას უნდა შეუწყოს ხელი.