“ჰამასის” ტერორისტული ორგანიზაცია იმუქრება, რომ მოთხოვნების შეუსრულებლობის შემთხვევაში მძევლები ღაზის სექტორიდან ცოცხლები ვერ გამოვლენ. მუქარა ჰამასის სამხედრო ფრთის ალ-კასამის ბრიგადების სპიკერმა აბუ ობეიდამ ტელევიზიით გაავრცელა.

“ჰამასის” ტყვეობაში ამ დრომდე 137 მძევალი რჩება. 7 ოქტომბერს ისრაელზე თავდასხმის შემდეგ ჰამასის ტერორისტებმა 240 ადამიანი მძევლად აიყვანეს. მათი ნაწილი ჰამასმა ისრაელთან დადებული დროებითი ცეცხლის შეწყვეტის შეთანხმების სანაცვლოდ გამოუშვა.

დარჩენილი მძევლებიდან ათი 75 წელს გადაცილებულია. მძევლებს შორის 126 ისრაელის, 11 კი უცხოეთის, მათ შორის 8 ტაილანდის მოქალაქეა.