28/04/2023
20:29
მსოფლიო
აშშ-ის ყოფილმა პრეზიდენტმა, დონალდ ტრამპმა განაცხადა, რომ თუ 2024 წლის საპრეზიდენტო არჩევნებში გაიმარჯვებს, იუსტიციის დეპარტამენტს დაავალებს, გამოიძიოს რადიკალი პროკურორების საქმიანობა.
ნიუ ჰემფშირის შტატში გამართულ მიტინგზე დონალდ ტრამპმა აღნიშნა, რომ პროკურორები კონსერვატორებს დევნიან.
„ჩემი ახალი ადმინისტრაციის პირველივე დღეს, მე მივმართავ იუსტიციის დეპარტამენტს, გამოიძიოს ყველა რადიკალი პროკურორი და გენერალური პროკურორი ამერიკაში მათ მიერ კანონის უკანონო და რასისტული აღსრულების გამო“, - განაცხადა აშშ-ის ყოფილმა პრეზიდენტმა.
„ამ არჩევნებში [2024 წლის საპრეზიდენტო არჩევნები] არჩევანი ახლა სიძლიერესა და სისუსტეს, წარმატებასა და წარუმატებლობას, უსაფრთხოებასა და ანარქიას, მშვიდობასა და კონფლიქტს შორის არის“, - განაცხადა დონალდ ტრამპმა.
0
0