ერთი გარდაცვლილი და ერთი დაჭრილი - თბილისში, წუხელ მკვლელობა მოხდა. საგამოძიებო მოქმედებები გვიან დასრულდა.

თვითმხილ­ვე­ლე­ბის ინ­ფორ­მა­ცი­ით, ჭავ­ჭა­ვა­ძის გამ­ზირ­ზე, სა­დაც მა­მა­კა­ცი მოკ­ლეს და მისი თან­მხლე­ბი პირი დაჭ­რეს, ცე­ცხლსას­რო­ლი ია­რა­ღი­დან და­ახ­ლო­ე­ბით 10-მდე გას­რო­ლის ხმა გა­ი­გეს. მათივე ცნობით, 2 ტყვია იქვე მდე­ბა­რე ერთ-ერთი კა­ფეს მი­ნებს მოხ­ვდა.

მოკლულის თანმხლები, სროლის შედეგად დაჭრილი 50 წლამდე ასაკის მამაკაცი კლინიკაშია გადაყვანილი. ცეცხლსასროლი ჭრილობა მას ფეხის არეში აქვს მიყენებული. როგორც თვითმხილველები ჰყვებიან, დაჭრილი დამოუკიდებლად გადაადგილდებოდა.

როგორც მოკლულის ნათესავები მედიასთან საუბარში ამბობენ, მამაკაცი ვაკეში ახლობლის პანაშვიდზე იმყოფებოდა. მათივე ცნობით, მოკლულს ბიზნესი მოსკოვში ჰქონდა. მოკლულის ახლობლების თქმითვე, არაფერი სმენიათ დაძაბული ბიზნესურთიერთობების და საქმიანობაში რაიმე პრობლემების შესახებ.

მკვლელობა ჭავჭავაძის 9 ნომერთან მოხდა. 

შსს-ში ცნო­ბით, გა­მო­ძი­ე­ბა სის­ხლის სა­მარ­თლის კო­დექ­სის 108-ე და 236-ე მუხ­ლე­ბით მიმ­დი­ნა­რე­ობს, რაც გან­ზრახ მკვლე­ლო­ბა­სა და ცე­ცხლსას­რო­ლი ია­რა­ღის უკა­ნო­ნო შე­ძე­ნა-შე­ნახ­ვა-ტა­რე­ბას გუ­ლის­ხმობს.

გავრცელებული ინფორმაციით, მოკლულია ბიზნესმენი 58 წლის ლევან. ჯ-ა. 

ჭავჭავაძის გამზირზე მომხდარ მკვლელობაზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.