ეკონომიკისა და მდგრადი განვითარების მინისტრის მოადგილე თამარ იოსელიანი და საქართველოს რკინიგზის გენერალური დირექტორი ლაშა აბაშიძე, საქართველოში  თურქეთის რესპუბლიკის ელჩს –  ალი ქაან ორბაის შეხვდნენ.

მხარეებმა ორ ქვეყანას შორის არსებული თანამშრომლობის საკითხები განიხილეს, მათ შორის ბაქო – თბილისი – ყარსის რკინიგზის სრულფასოვანი ამოქმედების საკითხი, რომელიც ,,შუა დერეფნის” განვითარებას შეუწყობს ხელს.

შეხვედრაზე საქართველოს რკინიგზის გენერალურმა დირექტორმა, ლაშა აბაშიძემ საქართველოს რკინიგზის მოდერნიზებაზე, მათ შორის, სავაგონე და სალოკომოტივე შემადგენლობის განახლებაზე ისაუბრა და აღნიშნა, რომ ახალი პარკის ამოქმედების შემდეგ, საქართველოს რკინიგზა ტვირთებს უფრო სწრაფად და უსაფრთხოდ გადაზიდავს.