როგორც თეთრი სახლის პრესმდივანმა ქეროლაინ ლევიტმა განაცხადა, ვოლოდიმირ ზელენსკი არასწორი მიმართულებით მიდის და მედიის საშუალებით ცდილობს უკრაინის კონფლიქტის მოგვარებაზე მოლაპარაკებას.
,,პრეზიდენტმა (დონალდ) ტრამპმა მართებულად აღნიშნა, რომ ყოფილმა პრეზიდენტმა (ბარაკ) ობამამ 2014 წელს რუსეთის მიერ ყირიმის ხელში ჩაგდება დაუშვა. ტრამპი უკრაინას ყირიმის აღიარებას არ სთხოვს. მათგან ამას არავინ მოითხოვდა. ის მხარეებს მოუწოდებს, დასხდნენ მოლაპარაკების მაგიდასთან და გააცნობიერონ, რომ ეს ომი ძალიან დიდი ხანია სასტიკად მიმდინარეობს. კარგი გარიგების მისაღწევად, ორივე მხარე ცოტა უკმაყოფილო უნდა დარჩეს. სამწუხაროდ, პრეზიდენტი ზელენსკი ცდილობს პრესის მეშვეობით წარმართოს ეს სამშვიდობო მოლაპარაკებები, რაც აშშ-ის პრეზიდენტისთვის მიუღებელია. მოლაპარაკებები დახურულ კარს მიღმა უნდა წარიმართოს.
აშშ-ის პრეზიდენტის ეროვნული უსაფრთხოების გუნდმა და მისმა მრჩევლებმა დიდი დრო, ენერგია და ძალისხმევა დახარჯეს ამ ომის დასასრულებლად. სამხედრო დახმარებისთვის ამერიკელმა გადასახადის გადამხდელებმა მილიარდობით დოლარი დახარჯეს. უკვე საკმარისია. აშშ-ის პრეზიდენტი იმედგაცრუებულია. მას მოთმინების ფიალა ევსება და სურს გააკეთოს ის, რაც სწორია მსოფლიოსთვის - დაინახოს სამყარო და შეაჩეროს მკვლელობები. მაგრამ კონფლიქტში მონაწილე ორივე მხარე მზად უნდა იყოს ამისთვის. სამწუხაროდ, პრეზიდენტი ზელენსკი, როგორც ჩანს, არასწორი მიმართულებით მიდის“, - თქვა ლევიტმა.
0
0
