აშშ-ის პრეზიდენტმა, დონალდ ტრამპმა მადლობა გადაუხადა რუს კოლეგას, ვლადიმირ პუტინს მას შემდეგ, რაც რუსეთის პრეზიდენტმა შეაქო ტრამპის ძალისხმევა კრიზისების მოგვარების საქმეში.

„მადლობა პრეზიდენტ პუტინს!“, - დაწერა ტრამპმა სოციალურ ქსელში და თან დაურთო პოსტი, რომელშიც რუსეთის პრეზიდენტის გამოსვლის ციტატები და ვიდეოა.

ეს განცხადება მოჰყვა პუტინის პრესკონფერენციას ტაჯიკეთში სახელმწიფო ვიზიტის დასრულების შემდეგ, სადაც მან აღნიშნა, რომ ტრამპი „მართლაც ბევრს აკეთებს“ რთული და ხანგრძლივი კრიზისების მოსაგვარებლად.

რუსეთის პრეზიდენტი ამით გამოეხმაურა შეკითხვას, იმსახურებს თუ არა ამერიკის ლიდერი მშვიდობის დარგში ნობელის პრემიას.