აშშ-ის პრეზიდენტმა დონალდ ტრამპმა ხუთშაბათს ხელი მოაწერა აღმასრულებელ ბრძანებას აშშ-ს განათლების სამინისტროს დემონტაჟის დასაწყებად, მისი შექმნიდან 45 წელზე მეტი ხნის შემდეგ.

ხელმოწერის ცერემონიას ესწრებოდნენ ტეხასისა და ფლორიდის გუბერნატორები, განათლების მდივანი ლინდა მაკმაჰონი და სხვები.

„ხელს მოვაწერ აღმასრულებელ ბრძანებას, რომ ერთხელ და სამუდამოდ დავიწყო განათლების ფედერალური დეპარტამენტის დემონტაჟი“, – თქვა ტრამპმა დოკუმენტზე ხელმოწერის წინ.

ამერიკელი ლიდერის თქმით, დეპარტამენტის შექმნიდან 45 წელზე მეტი ხნის შემდეგ, შეერთებული შტატები ერთ სტუდენტზე განათლებაზე უფრო მეტ ფულს ხარჯავს, ვიდრე რომელიმე სხვა ქვეყანა.

”მაგრამ ჩვენ ჯერ კიდევ სიის ბოლოში ვართ წარმატების მხრივ”, - დასძინა მან და შეაფასა ამერიკულ სკოლებში განათლების დონე.