აშშ-ის პრეზიდენტმა დონალდ ტრამპმა 19 მაისს ევროპელ ლიდერებთან საუბრისას განაცხადა, რომ რუსეთისა და უკრაინის დელეგაციებს შორის შემდეგი მოლაპარაკებები ვატიკანში გაიმართება, - იტყობინება The Wall Street Journal წყაროებზე დაყრდნობით.

აშშ-ს მოლაპარაკებებში წარმოადგენენ სახელმწიფო მდივანი მარკო რუბიო და უკრაინის საკითხებში პრეზიდენტის სპეციალური წარმომადგენელი კიტ კელოგი, განაცხადა ტრამპმა სატელეფონო საუბრის დროს, რომელშიც მონაწილეობდნენ საფრანგეთის პრეზიდენტი ემანუელ მაკრონი, გერმანიის კანცლერი ფრიდრიხ მერცი, იტალიის პრემიერ-მინისტრი ჯორჯია მელონი და დიდი ბრიტანეთის პრემიერ-მინისტრი კირ სტარმერი.

ზოგიერთმა ევროპელმა ლიდერმა დაჟინებით მოითხოვა, რომ ვატიკანში ნებისმიერი მოლაპარაკებები უპირობო ცეცხლის შეწყვეტით უნდა დასრულდეს. ტრამპმა უპასუხა, რომ მას არ მოსწონს სიტყვა „უპირობო“, მიუხედავად იმისა, რომ მანამდეც გამოიყენა ის 30-დღიანი ცეცხლის შეწყვეტის მოწოდებისას. საბოლოოდ, ევროპელები შეთანხმდნენ, რომ ეს ტერმინი უარი ეთქვათ.

„Wall Street Journal“ წერს, რომ ვატიკანში მოლაპარაკებები ივნისის შუა რიცხვებში გაიმართება.