უკრაინის საკითხებში დონალდ ტრამპის სპეციალური წარმომადგენელი კიტ კელოგი დღეს დილით კიევში ჩავიდა. უკრაინის პრეზიდენტ ვოლოდიმირ ზელენსკის ადმინისტრაციის უფროსის ინფორმაციით, კიტ კელოგი უკრაინის დედაქალაქში უსაფრთხოებისა და რუსეთის წინააღმდეგ სანქციების განსახილველად ჩავიდა.

„მივესალმებით აშშ-ის პრეზიდენტის სპეციალურ წარმომადგენელს უკრაინაში, კიტ კელოგს. განსახილველ თემებს შორის იქნება თავდაცვა, უსაფრთხოების გაძლიერება, შეიარაღება, სანქციები, ჩვენი ხალხის დაცვა, უკრაინასა და აშშ-ს შორის თანამშრომლობის გაძლიერება.

რუსეთს არ სურს ცეცხლის შეწყვეტა. ,,მშვიდობა ძალით’’ აშშ-ის პრეზიდენტის დონალდ ტრამპის პრინციპია და ჩვენ მხარს ვუჭერთ ამ მიდგომას,’’ - წერს ანდრეი იერმაკი.