უკრაინის საკითხებში აშშ-ის პრეზიდენტის, დონალდ ტრამპის სპეციალური წარმომადგენელი, კიტ კელოგი რუსეთის სამხედრო ავიაბაზებზე უკრაინული დრონების თავდასხმას გამოეხმაურა და მას თამამი მოქმედება უწოდა.

კელოგმა ასევე არ გამორიცხა, რომ ეს დარტყმები შესაძლოა მშვიდობისთვის იმპულსი გახდეს, თუმცა ორივე მხარემ უნდა მოინდომოს სისხლისღვრის შეჩერება და ომის დასრულება.

ტრამპის წარმომადგენელმა დაწერა, რომ გაბედულ ლიდერებსა და თამამ მოქმედებებს ომის მსვლელობის შეცვლა შეუძლიათ.

„ეს ამბავი, შესაძლოა, მშვიდობისთვის იმპულსი გახდეს, მაგრამ ორივე მხარე პრეზიდენტ ტრამპის მისიისადმი ერთგული უნდა დარჩეს - შეაჩეროს სისხლისღვრა და ომი დაასრულოს“, - დაწერა კელოგმა.