აშშ-ის პრეზიდენტმა, დონალდ ტრამპმა განაცხადა, რომ ის მოკლულ ამერიკელ კონსერვატორ აქტივისტს ჩარლი კირკს „თავისუფლების საპრეზიდენტო მედლით“ დააჯილდოებს.

„ჩარლი მისი თაობის გიგანტი იყო, თავისუფლების ჩემპიონი და მილიონობით, მილიონობით ადამიანისთვის შთაგონების წყარო“, - განაცხადა ტრამპმა.

ჩარლი კირკი, რომელიც იუტას უნივერსიტეტში სტუდენტური ჯგუფის მიერ იყო მიწვეული, სიტყვით გამოდიოდა, რა დროსაც მას დაახლოებით 200 მეტრის დაშორებით მდებარე კამპუსის შენობიდან ცეცხლი გაუხსნეს. მიყენებული დაზიანების შედეგად ის მალევე დაიღუპა.