ილონ მასკის განცხადებით, აშშ-ის ყოფილი პრეზიდენტის, დონალდ ტრამპის ანგარიში"ტვიტერში" აღდგენილია.

ყოფილი პრეზიდენტისთვის ანგარიშის აღდგენამდე, მასკმა ონლაინ გამოკითხვა ჩაატარა, რომელშიც მომხმარებლებმა მხარი დაუჭირეს აღნიშნულ ინიციატივას.

“ტვიტერის” 15 მილიონზე მეტი მომხმარებლის 51,8%-მა ხმა ტრამპისთვის აკრძალვის გაუქმებას მისცა.

მედია ვარაუდობს, რომ შესაძლოა ტრამპი არ დაბრუნდეს “ტვიტერში”, რადგან მან ადრე განაცხადა, რომ ამისთვის ვერანაირ მიზეზს ვერ ხედავს.

ცნობისთვის, დონალდ ტრამპს “ტვიტერის” ანგარიში 2021 წელს შეუჩერეს ძალადობის წაქეზების რისკის გამო.