დონალდ ტრამპი მიიჩნევს, რომ აშშ არა მხოლოდ უკრაინაზე დახარჯული ყველა სახსრის დაბრუნებას, არამედ იმაზე მეტის მიღებასაც შეძლებს და ამაში ვაშინგტონს კიევთან სასარგებლო წიაღისეულის შესახებ დადებული შეთანხმება დაეხმარება.

"მე დავაბრუნე ამ თანხის მნიშვნელოვანი ნაწილი, რადგან ჩვენ დავდეთ შეთანხმება იშვიათი ლითონების შესახებ, შევედით ამ სფეროში და ჩვენ ამ ფულის დიდ ნაწილს დავიბრუნებთ. შესაძლოა, მთელ ფულს, შესაძლოა იმაზე მეტსაც კი, ვიდრე დავხარჯეთ", - განაცხადა აშშ-ის პრეზიდენტმა.