აშშ-ის პრეზიდენტის დონალდ ტრამპის განცხადებით, შორი მანძილზე მოქმედი „ტომაჰავკის“ ფრთოსანი რაკეტების გამოყენების სწავლას სულ მცირე ექვსი თვე დასჭირდება.

„ბევრმა ადამიანმა არ იცის, „ტომაჰავკის“ პრობლემა იმაში მდგომარეობს, რომ საჭიროა სულ მცირე ექვსი თვე, რათა მისი გამოყენება ისწავლოთ. ის ძალიან რთულია. „ტომაჰავკის“ გამოყენების ერთადერთი საშუალება არის ის, თუ ჩვენ ვისვრით მას, რის გაკეთებასაც არ ვაპირებთ“, - თქვა ტრამპმა.

თეთრი სახლის ლიდერმა დასძინა, რომ „ტომაჰავკი“ არის ძალიან ზუსტი იარაღი, რის გამოც მისი გამოყენება რთულია.

„საჭიროა ერთწლიანი ინტენსიური მომზადება, რათა მისი გამოყენება ისწავლოთ, ჩვენ ეს შეგვიძლია, თუმცა სხვების სწავლას არ ვაპირებთ“, - აღნიშნა მან.