ჩვენ გვაქვს პრობლემა ომთან, რომლის დარეგულირებასაც ჩვენი ხალხი ახლა ცდილობს, რუსეთსა და უკრაინასთან დაკავშირებით, - განაცხადა აშშ-ის პრეზიდენტმა, დონალდ ტრამპმა.

მისი თქმით, აშშ აღარ არის „ფინანსურად ჩართული“ უკრაინაში მიმდინარე ომში, მხოლოდ ნატოს ყიდის იარაღს, მაგრამ ის მაინც ცდილობს „ამ სიტუაციის მოგვარებას“.

„მე რვა ომი დავარეგულირე. ეს მეცხრე იქნებოდა და ჩვენი ხალხი ახლა რუსეთშია, რათა ვნახოთ, შევძლებთ თუ არა მის მოგვარებას. ეს ადვილი სიტუაცია არ არის, გეუბნებით, რა არეულობაა. ეს არის ომი, რომელიც არასოდეს მოხდებოდა, მე რომ პრეზიდენტი ვყოფილიყავი“, - დასძინა მან.