ქარ­თვე­ლი თე­ატ­რი­სა და კი­ნოს მსა­ხი­ო­ბი, კოტე მარ­ჯა­ნიშ­ვი­ლის სა­ხე­ლო­ბის პრე­მი­ის ლა­უ­რე­ა­ტი მურ­მან ჯი­ნო­რია, ასე­ვე ქარ­თვე­ლი მსა­ხი­ო­ბი, სა­ხალ­ხო არ­ტის­ტი ლეო ან­თა­ძე თბი­ლი­სის სა­პა­ტიო მო­ქა­ლა­ქედ და­სა­ხელ­დნენ. ჯილ­დო მათ თბი­ლი­სის მერ­მა "თბი­ლი­სო­ბის" მთა­ვარ ღო­ნის­ძი­ე­ბა­ზე გა­დას­ცა.

"ჩემ­თვის დიდი პა­ტი­ვია ეს ჯილ­დო. ორი წლის წინ რუს­თა­ვის სა­პა­ტიო მო­ქა­ლა­ქის წო­დე­ბა მო­მა­ნი­ჭეს და დღეს თბი­ლი­სის, ძა­ლი­ან ბედ­ნი­ე­რი ვარ. გი­ლო­ცავთ ყვე­ლას "თბი­ლი­სო­ბას" - აღ­ნიშ­ნა ლეო ან­თა­ძემ.

"არ ვიცი რა ვთქვა, იმ­დე­ნად ვარ გა­ხა­რე­ბუ­ლი. მო­უ­ლოდ­ნე­ლია ჩემ­თვის. ბა­ტო­ნო კახი, დიდი მად­ლო­ბა. დიდი მად­ლო­ბა ღმერ­თს, რომ ამ­დე­ნი რამ გა­მა­კე­თე­ბი­ნა ამ 50 წლის გან­მავ­ლო­ბა­ში. მად­ლო­ბა ჩემს ოჯახს, რომ გვერ­დში მიდ­გას, მად­ლო­ბა ჩემს ძვირ­ფას მა­ყუ­რე­ბელს, თქვე­ნი გუ­ლის­თვის გა­ვა­კე­თე ყვე­ლა­ფე­რი, რაც ღმერ­თმა შე­მაძ­ლე­ბი­ნა" - აღ­ნიშ­ნა მურ­მან ჯი­ნო­რი­ამ.

თბილისის მერმა კახა ჯალაძემ 2023 წლის თბილისის საპატიო მოქალაქეები დააჯილდოვა და სახელმწიფო ცერემონიების სასახლეში შეკრებილ საზოგადოებას "თბილისობა 2023" მიულოცა. ჯილდო 26 ადამიანს გადაეცა.

თავის სიტყვაში დედაქალაქის მერმა ხაზი გაუსვა საპატიო თბილისელის წოდების მნიშვნელობას და იმ წვლილს, რომელიც დასახელებულმა მოქალაქეებმა თბილისის განვითარებაში შეიტანეს. მანვე პატივი მიაგო გარდაცვლილ საპატიო თბილისელთა ხსოვნას.

„დღეს მეექვსედ მაქვს პატივი, თქვენთან ერთად ქედი მოვიხარო მათ წინაშე, ვინც საკუთარ ქვეყანასა და ქალაქს ცხოვრება მიუძღვნა, ვისი ამაგის აღნიშვნაც ჩვენი ვალია, ვისაც მადლობა უნდა გადავუხადოთ და თბილისის საპატიო მოქალაქედ დავასახელოთ.

მოდით, ერთად ვიზრუნოთ ჩვენს ქალაქზე, ვიფიქროთ მის მომავალზე, შევეცადოთ და შევძლოთ მისი საუკეთესო სახით ტრანსფორმაცია. მესმის, რომ არსებობს სირთულეები და გამოწვევები, მაგრამ მერწმუნეთ, ერთად დგომით შესაძლებელია, ჩვენი ქალაქი კიდევ უფრო გავალამაზოთ“, - აღნიშნა კახა კალაძემ.