მართლმადიდებლური სამყარო დღეს უფლის ჯვარცმას გლოვობს. სამების საკათედრო ტაძარში გარდამოხსნის წესი შესრულდა. ტრადიციულად, ქრისტეს დატირება ნაირა ნაჩხატაშვილმა იგალობა.

"როცა შენშია ქრისტე, თანდათან მიჰყვები თითოეულ დღეს... ორშაბათი... სამშაბათი... ოთხშაბათი - დღე, როდესაც გასცეს, უღალატეს... ასე მოვედით ჯვარცმამდე. მინდა, ხალხს მოვუწოდო, რომ ყოველთვის მოუხმონ უფალს... ტკივილის დროს რომ გვახსოვს უფალი, ყოველთვის გვახსოვდეს ის. ბედნიერიც რომ არის ადამიანი, იცოდეს, რომ ეს უფლის დამსახურებაა. უფალი ჩვენთვის ეწამა", - აცხადებს ნაირა ნაჩხატაშვილი.