იქნებ, ახლა მაინც დაფიქრდნენ სხვები ოპოზიციაში, რომ ერთიანობაა გადარჩენის ერთადერთი გზა. თავისუფლება ზურას! თავისუფლება მიშას! თავისუფლება ყველა პოლიტპატიმარს, – ამის შესახებ „ნაციონალური მოძრაობის“ თავმჯდომარე თინა ბოკუჩავა სოციალურ ქსელში წერს.
როგორც ბოკუჩავა წერს, „ციხიდანაც ზურაბ ჯაფარიძე ერთადერთს იტყვის – გაერთიანდით ქვეყნის გადასარჩენად“.
„ჯაფარა 2012 წელს გავიცანი. მაშინ ორივე „ნაციონალური მოძრაობის“ პარტიული სიით, პარლამენტის წევრები გავხდით. ალბათ ორივეს გვჯეროდა, რუსი ივანიშვილი ვერ მოიგებდა არჩევნებს და მე საგარეო საქმეთა სამინისტროში ვაპირებდი საქმიანობის გაგრძელებას, ზურა კი ქვეყნის ეკონომიკურ რეფორმებზე იზრუნებდა. ჰოდა, აღმოვჩნდით ოპოზიციაში და დღემდე აქ ვართ. ყოველთვის ყველასგან განსხვავდებოდა, თავმდაბლობით, გულწრფელობით და კომპეტენციით. არა და სამივე როგორ აკლია ქართულ პოლიტიკას
ზუსტად ვიცი, არაფრის ეშინია და ციხიდანაც ერთადერთს იტყვის – რასაც გარეთ ამბობს, გაერთიანდით ქვეყნის გადასარჩენად. იქნებ, ახლა მაინც დაფიქრდნენ სხვები ოპოზიციაში, რომ ერთიანობაა გადარჩენის ერთადერთი გზა. თავისუფლება ზურას! თავისუფლება მიშას! თავისუფლება ყველა პოლიტპატიმარს!“, – წერს თინა ბოკუჩავა.
ცოტა ხნის წინ ცნობილი გახდა, რომ ზურაბ გირჩი ჯაფარიძეს აღკვეთის ღონისძიების სახით გირაო პატიმრობით შეეცვალა.
0
0
