თეთრი სახლის სპიკერის, ჯონ კირბის განცხადებით, აშშ-ის პრეზიდენტს, ჯო ბაიდენსა და ბრიტანეთის პრემიერ-მინისტრს, რიში სუნაკს შორის სატელეფონო საუბარი შედგა.

კირბის ცნობით, მხარეებმა ისაუბრეს წითელ ზღვაში არსებულ ვითარებაზე.

„ცხადია, მათ ისაუბრეს იმაზე, თუ რა ხდება წითელ ზღვაში და მუდმივი საერთაშორისო, მრავალმხრივი მიდგომის აუცილებლობაზე „ჰუსიტების“ შესაძლებლობების დაქვეითების მიზნით”, – აღნიშნა კირბიმ.

თეთრი სახლის სპიკერის განმარტებით, ბაიდენმა და სუნაკმა ისაუბრეს ღაზაში ჰუმანიტარული დახმარების ნაკადის გაზრდის აუცილებლობაზე. ასევე, უკრაინისთვის დამატებითი დაფინანსებისა და მხარდაჭერის გადაუდებელ საჭიროებაზე.