დონალდ ტრამპი ორშაბათს ხელს მოაწერს აღმასრულებელ ბრძანებას სირიისთვის ამერიკული სანქციების მოხსნის შესახებ, - განაცხადეს თეთრ სახლში და დასძინეს, რომ სირიის ყოფილ ლიდერ ბაშარ ალ-ასადსა და სხვა პირებზე გარკვეული სანქციები კვლავ ძალაში დარჩება.

სანქციები შენარჩუნდება ასადის თანამზრახველების, ადამიანის უფლებების დამრღვევების, ნარკორეალიზატორების, ქიმიურ იარაღთან დაკავშირებული პირების, „ისლამური სახელმწიფოსა“ და მისი შვილობილი ორგანიზაციების, ასევე ირანის მიერ მხარდაჭერილი ძალების წინააღმდეგ.

მაისში ტრამპმა განაცხადა, რომ სირიას სანქციებს მოუხსნიდა. ეს ნაბიჯი მიზნად ისახავს ქვეყნის აღდგენას გამანადგურებელი სამოქალაქო ომის შემდეგ.