ტერორისტული ორგანიზაცია „ჰამასი“ აცხადებს, რომ ისრაელის სამხედროების დაატყვევა. ამის შესახებ BBC წერს.

გამოცემის ინფორმაციით, „ჰამასის“ სამხედრო დანაყოფებმა გაავრცელა ვიდეო, რომელზეც 3 კაცია ასახული. მათ არ აცვიათ სამხედრო ფორმა, თუმცა „ჰამასში“ აცხადებენ, რომ ისინი ჯარისკაცები არიან. ვიდეოში მათ მოიხსენიებენ, როგორც „თავდასხმის დროს დატყვევებულ მტრებს“.

ამასთან, ვრცელდება ინფორმაცია პალესტინელების მიერ სამოქალაქო პირების მძევლებად აყვანის შესახებ.

ამ კადრების ავთენტურობის შემოწმება ჯერჯერობით შეუძლებელია. იმის თაობაზე, რომ დატყვევებული პირები შესაძლოა იყვნენ ისრაელის არმიის წევრები, მხოლოდ თავად პუბლიკაციების კომენტარებით შეიძლება მსჯელობა.

ზოგიერთ ფოტოსა და ვიდეოზე ჩანან ქალები.

სოციალურ ქსელებში გავრცელებული ინფორმაციით, დატყვევებული ისრაელელი ჯარისკაცები მანქანით გაჰყავთ ღაზის სექტორში.

ჰამასის წარმომადგენელმა Al Jazeera-ს განუცხადა, რომ დატყვევებული ისრაელელები სამხედრო ტყვეებად ითვლებიან და არა მძევლებად.

სარაკეტო დარტყმა ისრაელზე ადგილობრივი დროით 6:30 საათზე განხორციელდა. შედეგად დაიღუპა სულ მცირე 22, დაშავდა 545 ადამიანი. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადეს და ღაზას სექტორში „ჰამასის“ ობიექტებზე იერიში დაიწყეს.