ოკუპირებული აფხაზეთის „სახელმწიფო უსაფრთხოების სამსახური“ „რესპუბლიკის“ ტერიტორიაზე შესაძლო ტერორისტული საფრთხის შესახებ ინფორმაციას ავრცელებს. ამის შესახებ რუსული მედია იტყობინება. 

ოკუპირებული აფხაზეთის „სახელმწიფო უსაფრთხოების სამსახური“ მოქალაქეებს მოუწოდებს, შეინარჩუნონ სიმშვიდე, არ დაემორჩილონ პროვოკაციებს და გამოიჩინონ სიფხიზლე.

ამასთან, რუსული მედია წერს, რომ „არაოფიციალური ინფორმაციით, უსაფრთხოების ძალებმა ტერორისტების ვინაობა იციან და ტერორისტული აქტები საქართველოს მიერ არის დაგეგმილი“.

ოკუპირებული რეგიონის დე ფაქტო მთავრობამ “სამართალდამცავი ორგანოები” მუშაობის საგანგებო რეჟიმზე გადაიყვანა.