ისრაელში მყოფი ქართველი ჟურნალისტი, მიხეილ ხაჩიძე, სოციალურ ქსელში გმირი “ბონიტას” შესახებ ემოციურ ამბავს აქვეყნებს:

“გავრცელდა ინფორმაცია, რომ ისრაელში ტერორისტებმა სასტიკად მოკლეს ძაღლი სახელად ”ბონიტა", კიბუცში. 
თუმცა ამ ძაღლმა რომ პატრონები გადაარჩინა, შეიძლება ყველამ არ იცოდეთ. 
ძაღლის პატრონები სახლში იყვნენ, სროლა რომ გაიგეს. იარაღი იპოვეს, მაგრამ ტყვიები ვერა. ტერორისტი  მათ კართან იდგა უკვე, ოჯახის წევრები კი ფაქტობრივად სასიკვდილოდ განწირულები… თუმცა ამ დროს “ბონიტა” სახლის გვერდითა  მხარეს იყო და ტერორისტისკენ გაქანდა. 
ტერორისტმა ძაღლი ბრუტალურად დაცხრილა, თუმცა სახლში აღარ შესულა, გზა პირდაპირ განაგრძო, რადგან ძაღლი გვერდითა მხრიდან გამოვარდა, იფიქრა, იქით არიან ყველანიო. 
ასე გადაარჩინა ბონიტამ ეს ოჯახი." - წერს ჟურნალისტი.