მიღებული კანონმდებლობა შეკრებების და მანიფესტაციების აკრძალვის მცდელობა არ არის, თუ საკმარისი რაოდენობა შეიკრიბებიან, პოლიცია დაეხმარება, ამის მაგალითებიც არსებობს, – ამის შესახებ „ქართული ოცნების“ წევრმა, თენგიზ შარმანაშვილმა განაცხადა.

მისი თქმით, რამდენიმე დღის წინ ხალხმრავალი აქცია გაიმართა, რომელიც გზის გადაკეტვას მოითხოვდა და პოლიციამაც ხელი შეუწყო.

„შეფერხება არ ჰქონიათ და ასე მოხდება მომავალშიც. ის, რომ რამდენიმე ადამიანი შეიკრიბოს და ქუჩის გადაკეტვას გამოხატვის თავისუფლება დაარქვას, ეს წარმოუდგენელია. ამას არც ერთ ცივილიზებულ ქვეყანაში არ დაუშვებენ, მათ შორის არც ჩვენ. ტროტუარზე ისე შეიკრიბონ, რომ ხალხს ხელი არ შეუშალონ, თუ ცოტანი არიან. გზას ნუ გადაკეტავენ და ადამიანებს მოძრაობაში ხელს ნუ შეუშლიან“, – განაცხადა შარმანაშვილმა.