თელ-ავივში ასობით დემონსტრანტმა საპროტესტო აქცია გამართა -  მომიტინგეებს ხელში ეჭირათ ბანერები წარწერით „შეაჩერეთ სისხლისღვრა“. მათ, ღაზაში აყვანილი მძევლების გათავისუფლების მოთხოვნით, გზა გადაკეტეს.

„შევიკრიბეთ იმისთვის, რომ მოვუწოდოთ მთავრობას, ყველა მძევალი სახლში დააბრუნოს და შეწყვიტოს ცეცხლი ახლავე. არ არსებობს კონფლიქტის სამხედრო ძალით გადაწყვეტა, ჩვენ დიპლომატიური გზით გვსურს ცეცხლის შეწყვეტა - მხოლოდ შეთანხმებები დააბრუნებს მძევლებს სახლებში“, - აცხადებენ მომიტინგეები. 

ისრაელის პრემიერ-მინისტრმა ნეთანიაჰუმ კი პარლამენტს მტკიცედ განუცხადა, რომ ომი გაგრძელდება მანამ, სანამ ,,ჰამასის’’ "აგრესია და ბოროტება" არ დასრულდება.