გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსის ინფორმაციით, თბილისში, ხვალ მოსალოდნელია თოვლი.

„ძლიერ თოვას ველოდებით მთიან რეგიონებში მთელი ქვეყნის მასშტაბით. აღმოსავლეთ საქართველოში, ხვალიდან ყველგან მოთოვს, ასევე ხვალ, თოვლს ველოდებით დედაქალაქშიც“,- განაცხადა სვეტლანა ნიორაძემ „პრაიმტაიმთან“ საუბრისას.

„24 იანვარს, შედარებით, გამოიდარებს, მაგრამ ნარჩუნდება ცივი ამინდი.

25-26-ში, კი ყინვა გაძლიერდება. 27-იდან, თვის ბოლომდე, ცივი და ნალექიანი ამინდები შენარჩუნდება.

ღამის საათებში, 25-26 იანვარს, შიდა ქართლში -9 გრადუსი იქნება. თბილისში და კახეთში -3 -4 გრადუსი. დღის საათებშიც ყინვა გაძლიერდება“,- თქვა სვეტლანა ნიორაძემ.