თბილისში, რამდენიმე ადგილას, მათ შორის, იუსტიციის სახლთან, მშრალ ხიდთან აქციის მონაწილეებმა გზა გადაკეტეს. ისინი გამვლელ ავტომობილებს გადაადგილებაში ხელს უშლიან.

აქციის მონაწილეები მოუწოდებენ ავტომობილების მძღოლებს, უკან გაბრუნდნენ ან ავტომობილები დატოვონ და აქციას შეუერთდნენ. პერიოდულად ხდება შელაპარაკება, აქციის მონაწილეებსა და მოქალაქეებს შორის, რომლებსაც გადაადგილების შესაძლებლობას არ აძლევენ. ერთ-ერთი ასეთი ადგილი იუსტიციის სახლის მიმდებარე ტერიტორიაა.

ამასთან, აქციის მონაწილეების ნაწილი რჩება პარლამენტის მიმდებარე ტერიტორიასთან.