ყოველ წელს უამრავი ადამიანი ელოდება „თბილისობას“, წელსაც საინტერესო დღესასწაული იქნება, - ამის შესახებ დედაქალაქის მერმა, „ქართული ოცნების“ გენერალურმა მდივანმა, კახა კალაძემ გადაცემა „იმედი LIVE“-ში განაცხადა.

„წელსაც საკმაოდ საინტერესო იქნება თბილისობა: ავირჩევთ საპატიო თბილისელებს, გვექნება კონცერტები, გვექნება კონკრეტული ლოკაციები, სადაც სხვადასხვა ტიპის ღონისძიება გაიმართება. ქალაქის ყველა რაიონში კონკრეტული ადგილებია გამოყოფილი, სადაც ხალხი იკრიბება, არის ადგილები, სადაც სოფლის მეურნეობის პროდუქტები იყიდება. წელსაც საინტერესო პროგრამით შევხვდებით თბილისობას“, - აღნიშნა დედაქალაქის მერმა.

წელს სახალხო დღესასწაული „თბილისობა 2023“ 30 სექტემბერს და 1-ელ ოქტომბერს გაიმართება.