„ყველა უმღერის თბილისს“ - „თბილისობა 2025“-ის სადღესასწაულო ღონისძიებები ევროპის მოედანზე გრანდიოზული გალა-კონცერტით დასრულდა. სახალხო დღესასწაულის საფინალო ღონისძიებაში მონაწილეობდნენ ქართული ესტრადის ცნობილი წარმომადგენლები, ახალი თაობის შემსრულებლები და ანსამბლები. შესრულდა საორკესტრო ნომრებიც.

მანამდე სტუმრებს სადღესასწაულო ღონისძიებებზე ორბელიანის მოედანი და რიყის პარკი მასპინძლობდა. მოწყობილი იყო არაერთი გასართობი და კვების სივრცე, სამეწარმეო მარკეტები, ატრაქციონები, ღია კინოთეატრები და თემატური ფოტოზონები. დედაქალაქის მერმა საპატიო თბილისელის წოდება წელს 30 მოქალაქეს მიანიჭა.