მატარებლის ტექნიკური ხარვეზის გამო, მეტროსადგურ „რუსთაველზე“, პირველ ხაზზე მოძრაობა ნაწილობრივ შეფერხდა, – ამის შესახებ თბილისის სატრანსპორტო კომპანიაში აცხადებენ.

როგორც თბილისის სატრანსპორტო კომპანიაში საქართველოს პირველ არხს განუცხადეს, მგზავრები სადგურის მოედნიდან  ვარკეთილამდე ვერ გადაადგილდებიან.

„მგზავრებს ვემსახურებით მეტროსადგურ „ახმეტელის თეატრიდან“ სადგურის მოედნამდე. მეტროსადგურ სადგურის მოედნიდან  ვარკეთილამდე დროებით ვერ გადაგვყავს მგზავრები. როგორც კი დაზიანებულ მატარებელს გადავიყვანთ ჩიხში, მოძრაობას სრულად განვაახლებთ“, – აღნიშნავენ სატრანსპორტო კომპანიაში.