თბილისი-ფოთის სამგზავრო მატარებელი ტექნიკური ხარვეზის გამო გაჩერდა. ამის შესახებ “საქართველოს რკინიგზაში” განაცხადეს. მათივე ცნობით, მატარებლის მოძრაობა მალე აღდგება.

მანამდე გზავრებმა განაცხადეს, რომ მატარებელში გათიშულია კონდიციონერი, არ იღება ფანჯრები, რის გამოც ვაგონებში გაუსაძლისი სიცხეა. 
"მატარებელი თბილისიდან გავიდა 17. 25 საათზე, რის შემდეგაც ერთი საათის შემდეგ გაჩერდა. არ მუშაობს გამწოვი და კონდიციონერი, არ არის გახსნილი ვაგონის კარი.

ადგილზე არ არის მობილიზებული, მათივე თქმით, სასწრაფო დახმარების ბრიგადა, რათა საჭიროების შემთხვევაში, ადგილზე აღმოუჩინოს ვინმეს დახმარება" - აღნიშნულია “ალიას" მიერ გავრცელებულ ინფორმაციაში.