გიორგი და ინა ქალდანები - ქართველი პარასპორტსმენი ცოლ-ქმარია. ისინი პარაოლიმპიადაზე გამოდიან და მთელი საქართველო გულშემტკივრობს.მხედველობის პრობლემების გამო ცოლ-ქმარმა წლების წინ გადაინაცვლა პარასპორტში და არაერთი ტიტული მოიპოვა.

ინა პარალიმპიური თამაშების ვიცე-ჩემპიონია და პირველი ქართველი ქალია, რომელმაც ოლიმპიადებისა და პარალიმპიადების ისტორიაში საჭიდაო სახეობებში მედლის მოპოვება შეძლო.
ინას ბავშვის გაჩენის შემდეგ სპორტიდან წასვლა მოუწია, თუმცა გარკვეული დროის შემდეგ დაბრუნდა, თავდაუზოგავად იშრომა და ტოკიოს პარალიმპიადაზე ვერცხლის მედლის მოპოვება შეძლო.
წყვილი პირველი არხის სიუჟეტში საუბრობს ოჯახზე, სპორტზე და პატარა დამიანეზე, რომელიც მათი მთავარი მოტივატორია.