გორში, თბილისსა და ფონიჭალაში სპეცოპერაცია მიმდინარეობს.

შიდა ქართლის სამხარეო პოლიციის ხელმძღვანელის განცხადებით, ამოღებულია ნივთიერება, რომელიც ექსპერტიზაზე გადაიგზავნება.

მისი თქმით, სპეცოპერაციის შედეგად დაკავებულია  ერთი პირი.

„ამ ეტაპზე სხვადასხვა ლოკაციაზე მიმდინარეობს საპოლიციო ღონისძიება. როგორც ხედავთ, მოსამართლის განჩინების საფუძველზე ერთ მოქალაქეს შიდა ქართლის რეგიონში ჩაუტარდა ჩხრეკა, აღმოჩენილი იქნა გარკვეული სახის ნივთიერება, რომელიც გაიგზავნება ექსპერტიზაზე. ასევე მიმდინარეობს ღონისძიება სხვა ლოკაციებზე და დამატებით ინფორმაციას დღის განმავლობაში შსს-ს პრესსამსახური მოგახსენებთ“, - აცხადებს ვალერიან თელია.