მონაცემები ცხადყოფს მარცვლეულისა და მცენარეული ზეთების მზარდ ღირებულებას მთელ მსოფლიოში. მხოლოდ ოქტომბერში, ამ უკანასკნელის ფასი 10%-ით გაიზარდა.

„მიწოდებასთან დაკავშირებული შეფერხებები, ქარხნების დახურვა და პოლიტიკური დაძაბულობა ხელს უწყობს ფასების ზრდას“, - წერს BBC. ბოლო 12 თვეში ხორბლის ფასი 40%-ით გაიზარდა, რაც ძირითად ექსპორტიორ ქვეყნებში - კანადაში, რუსეთსა და აშშ-ში ცუდი მოსავლითაც აიხსნება. ამასთან, თითქმის 16%-ითაა გაზრდილი რძის პროდუქტების ღირებულება.