სირიისა და ერაყის ტერიტორიებზე თურქეთის საჰაერო თავდასხმების შედეგად, სულ მცირე 32 ადამიანი დაიღუპა. ამის შესახებ Shafaq News-ი ერაყის ქურთისტანის რეგიონულ კონტრტერორისტულ დეპარტამენტზე დაყრდნობით წერს.

თურქეთის არმიამ ქურთისტანის მუშათა პარტიისა და სახალხო თავდაცვის ძალების ბაზებსა და პოზიციებს 25-ზე მეტი დარტყმა მიაყენა. გარდაცვლილთა გარდა არიან დაჭრილებიც, რომელთა ზუსტი რაოდენობა დგინდება.

შეგახსენეთ, თურქეთის საჰაერო ძალებმა სტამბოლში მომხდარი ბოლო ტერაქტის საპასუხოდ, ერაყის ერთ და სირიის ოთხ რეგიონზე დარტყმები განახორციელეს. ქვეყნის თავდაცვის სამინისტროს ხელმძღვანელმა, ჰულუსი აკარმა განაცხადა, რომ ანკარა, გაეროს წესდების 51-ე მუხლის შესაბამისად. თავდაცვის უფლებით სარგებლობს.