სტიქიის ზონაში ცოტა ხნის წინ, 26-ე ცხედარი იპოვეს. გარდაცვლილის ვინაობა ჯერჯერობით უცნობია.

 ინფორმაციას საქართველოს შინაგან საქმეთა სამინისტრო ადასტურებს.

ამ დროისათვის შოვში 7 დაკარგულ ადამიანს ეძებენ.

ონის მუნიციპალიტეტში, სტიქიის ზონაში მეხანძრე-მაშველები უწყვეტ რეჟიმში აგრძელებენ სამძებრო სამუშაოებს.

სამძებრო სამუშაოები მიმდინარეობს როგორც სტიქიის ეპიცენტრში, ასევე მდინარეების – რიონისა და ჭანჭახის კალაპოტში.

ამ დროისთვის სტიქიის ეპიცენტრში მიწის მასის 90 პროცენტი გადამოწმებულია. სამძებრო სამუშაოებში ჩართულია როგორც ცოცხალი ძალა, ასევე მძიმე ტექნიკა და მცურავი საშუალებები. სამძებრო ღონისძიების ფარგლებში ნაპოვნია 26 ადამიანის ცხედარი და შვიდ პირთან დაკავშირებით გრძელდება სამძებრო სამუშაოები.

შოვში მეწყერი 3 აგვისტოს ჩამოწვა.