სტიქიის ზონაში მაშველების მიერ ნაპოვნი და ამოსვენებული ცხედრები ონში, ექსპერტიზაზე გადაასვენეს.

ჯერჯერობით უცნობია გარდაცვლილების ვინაობა, რადგან მათი იდენტიფიცირება არ მომხდარა. 

როგორც შინაგან საქმეთა სამინისტროს საგანგებო სიტუაციების მართვის სამსახურის უფროსმა, თემურ მღებრიშვილმა განაცხადა, დღეს მაშველების მიერ ამოყვანილი ცხედრები ერთ ადგილზე განათავსეს. მოგვიანებით კი მათი გადასვენება ონში, პროზექტურაში, ვერტმფრენით მოხერხდა.

ბოლო მონაცემებით, შოვში სტიქიის შედეგად დაღუპულია 11 ადამიანი, 25-მდე დაკარგულს კი ამ დრომდე ეძებენ. მათთან დაკავშირება ვერ ხერხდება. დაკარგულებს შორის არიან ბავშვებიც.

ცნობისთვის, 7 აგვისტო გლოვის დღედ გამოცხადდა.