სტიქიის ზონაში სამძებრო სამუშაოები მე-14 დღეა აქტიურად მიმდინარეობს.

ონის მუნიციპალიტეტში, სტიქიის ზონაში მეხანძრე - მაშველები უწყვეტ რეჟიმში აგრძელებენ სამძებრო სამუშაოებს.

სამძებრო სამუშაოები მიმდინარეობს როგორც სტიქიის ეპიცენტრში, ასევე მდინარეების - რიონის და ჭანჭახის კალაპოტში.

ამ დროისთვის სტიქიის ეპიცენტრში, მიწის მასა თითქმის სრულად გადამოწმებულია.

სამძებრო სამუშაოებში ჩართულია როგორც ცოცხალი ძალა, ასევე, მძიმე ტექნიკა და მცურავი საშუალებები.

სამძებრო ღონისძიების ფარგლებში ნაპოვნია 26 ადამიანის ცხედარი და 7 პირთან დაკავშირებით გრძელდება სამძებრო სამუშაოები.

ამ დრომდე უცნობია, რამდენიმე გარდაცვლილის იდენტიფიცირების შესახებ ოფიციალური ინფორმაცია.