სტიქია სენაკში - ძლიერმა წვიმამ მუნიციპალიტეტში პრობლემები შექმნა. ადიდებულმა მდინარემ მოსახლეობის საცხოვრებელი სახლები და სათავსოები დატბორა.

ადგილობრივების თქმით, დაუზიანდათ ტექნიკა, ავეჯი, პროდუქტი. წყალმა დახოცა შინაური ფრინველი და გაანადგურა სახნავ-სათესი სავარგულები. მოსახლეობის თქმით, მოსავლის გარეშე დარჩნენ და დახმარებას ითხოვენ.

სენაკს ამ დროისთვის წყალი კვლავ არ მიეწოდება.

ელექტროენერგიის გარეშეა დარჩენილი რამდენიმე სოფელიც.

როგორც “სფეისნიუსს” თვითმხილველებმა განუცხადეს, წყალი შევარდა სენაკის ერთ-ერთ ავტოსახელონსოშიც, სადაც რამდენიმე მანქანა დააზიანა.

საგანგებო რეჟიმში მიმდინარეობს სტიქიასთან გამკლავების სამუშაოები. სენაკში ამ წუთებშიც წვიმს და ადიდებული მდინარე კვალვ პრობლემებს უქმნის ადგილობრივებს.