სტამბოლში უკრაინის კონფლიქტთან დაკავშირებით ამერიკის, თურქეთისა და უკრაინის დელეგაციებს შორის მოლაპარაკებები დაიწყო. ამის შესახებ უკრაინის საგარეო საქმეთა სამინისტრო იუწყება.

„სტამბოლში უკრაინის, აშშ-ისა და თურქეთის დელეგაციებს შორის სამმხრივი მოლაპარაკებები დაიწყო“, - ნათქვამია საგარეო საქმეთა სამინისტროს Telegram არხზე.

დაკონკრეტებულია, რომ მათში მონაწილეობენ აშშ-ის სახელმწიფო მდივანი მარკო რუბიო, უკრაინის საგარეო საქმეთა მინისტრი ანდრეი სიბიგა, თურქეთის საგარეო საქმეთა მინისტრი ჰაკან ფიდანი და უკრაინის ლიდერის, ვოლოდიმირ ზელენსკის ოფისის ხელმძღვანელი ანდრეი იერმაკი.