სტაფილოს წვენის დალევა ხელს უწყობს ორგანიზმში ანთების შემცირებას. გარდა ამისა, ეს სასმელი აძლიერებს იმუნურ პასუხს კიბოს უჯრედების წინააღმდეგ. ამ დასკვნამდე მივიდნენ სამხრეთ დანიის უნივერსიტეტის მკვლევარები. მათ კვლევის შედეგები გააზიარეს ჟურნალში Nutrients.

კვლევაში მონაწილეობდა 14 ჯანმრთელი მოხალისე (9 ქალი და 5 მამაკაცი). ყველა მონაწილეს აუღეს სისხლის სინჯები სტაფილოს წვენის დალევამდე და მის შემდეგ. მეცნიერები ცდილობდნენ გაერკვიათ, თუ როგორ იცვლებოდა მონაწილეთა სისხლში 44 პროანთებითი და ანთების საწინააღმდეგო ციტოკინის - მცირე ინფორმაციის მოლეკულების დონე. ციტოკინის დონის მონიტორინგი იმის დადგენის საშუალებას იძლევა, განიცდის თუ არა ორგანიზმი ანთებას, რომელიც გამოწვეულია იმუნური სისტემის საჭიროებით, გაანადგუროს პათოგენები.

გაირკვა, რომ ერთი საათის შემდეგ, რაც მონაწილეებმა დალიეს წვენი, მათ სისხლის პლაზმაში აღინიშნა როგორც პროანთებითი, ასევე ანთების საწინააღმდეგო ციტოკინების კონცენტრაცია. იმის გასარკვევად, თუ რას ნიშნავს ეს ჯანმრთელობისთვის, მეცნიერებმა ჩაატარეს ანალიზი STRING-ის გამოყენებით.

დადგინდა, რომ სტაფილოს წვენის მოხმარების გამო, გარკვეული ციტოკინების კონცენტრაციის გაზრდამ ხელი შეუწყო ორგანიზმში ანთების საწინააღმდეგო რეაქციას და გააუმჯობესა იმუნური პასუხი სიმსივნის (კიბოს) უჯრედებზე.